Skip to main content

Khizr-e-raah, sultanat-2 Tashreeh

 Khizr-e-raah, sultanat-2 (Tashreeh)

Khizr-e-raah sultanat-2 (Tashreeh)
Add caption

hai vahī sāz-e-kuhan maġhrib kā jamhūrī nizām

jis ke pardoñ meñ nahīñ ġhair-az-navā-e-qaisarī..


Tashreeh-

Maghrib Ka nizam baadshahiyat aur papahiyat par qayem tha, Aur spain mein musalmanon ki Europe ko di gai taleem ke natije mein jab be-daari ki lahar paida hui to logon ne pahle papahiyat aur fir baadshahiyat ko uthakar fenk Diya..
                              to Iblees ne apne agent Yahood ke zariye isi ke Asar ki badshahiyat ko awami hakimiyat ke naam se Jamhuriyat mein badal Diya, aur protagoras ke qadeem nazariye Humanism ke tahet aasmani rahnumai ki mukmmal nafi Karke ek baadshah ki hakimiyat ke bajaye avaami hukumat ka jamhuri Nizam mut'aarif karvaya, Iblees ki Majlis-e-shurah nazm mein Iblees Apne mushiron se kahta hai*

*Hmne khud-shahi ko pehchana hai jamhuri libas
jab zara Aadam hua hai khud shina so khud Nigar...


Jabki Amli taor par baadshahat aur jamhooriyat par koi bhi tabdeeli ronuma Nahin hui hai, Allah Ki hakimiyat mein Jo Shirk baadshahat ke nizam mein tha, woh jyon ka tyon jamhuriyat mein bhi maujud hai, aur Puri Duniya ghair-Ullah ki hakimiyat ke zalimanah nezaam ke loot maar ke shikanje mein tadap rahi hai...



dev-e-istibdād jamhūrī qabā meñ pā-e-kūb

tū samajhtā hai ye āzādī kī hai nīlam-parī..


Tashreeh-

Tum samajhte ho ki yeh jamhooriyat hamare masayel ko hal karegi, dar haqiqat yeh to Ek zalim Aur Jaabir Jinn hai, Jo jamhooriyat ka khubsurat libas pahenkar raqs kar raha hai,

       aur tum yeh samajh rahe ho ki baadshahiyat ke manhoos saaye se bachkar tumne jamhuriyat ke Neelam pari ke pahlu mein panha le li hai,
      aisa hargiz Nahin hai, isi baadshahat Ke zalim Dev ne tumhen naam nehad ki hukmarani dekar tumhen 'vote' ki ek parchi thsma di hai..

     Aur yeh 5 saal tak looy khasot Aur zulm Ka bazaar garm kiye rakhte hain,
Fir Neelam pari jaisi shakal banakar tumne dubarah bewkuf banata hai, aur dhaandli ke zariye tumhari hukmarani ki parchi chhin Kar ya khareed kar le jata hai, aur fir nazar Nahin aata, Fir tumhari ghurbat aur iflaas mein Ezaafa hota jata hai, aur tumhari qaom ko mazeed qarzon ke zariye daba Diya jata hai, 
            ghurbat Ke chakkar se nikalne ka Ek hi raasta chhoda jata hai, wo ye hai ki corruption ke Isi Mafiyah mein shamil kar Usi Ka hissa ban jaao aur aawam ko lootane Men lag jaao, is nezaam ka asal maqsad poori qaom ka ma'asharti istehsaal Karke gharibon ka khoon choosna aur apni daulat ke ambaron mein izaafah karna hai, aur tum is khyal mein khush ho tum apne vote ke zariye khud hukumat kar rahe ho...


majlis-e-ā.īn-o-islāh-o-ri.āyāt-o-huqūq

tibb-e-maġhrib meñ maze mīThe asar ḳhvāb-āvarī..


Tashreeh-

Ye Europe ka woh Aspataal hai, ki jismein ma'ashre se mahrumi khatm karne ke liye bahut sari kametiyaan banaa banaa kar tumhen meethi meethi goliyan Di jaati hai, Jin ka natija tumhen sirf sulaye rakhna hai, taki tum apne qaumi masaayel ki yeh halki ki ummid lagaye baithe raho, 
                             aur yeh log agle election jitne ki planning karte rahen, tumhen har waqt Ek aas Di jaati hai ki, tumhare masayel Ka hal ab dur Nahin, committee ban gai hai aur tum uske iftizhar mein khud Ko lutwaaye chale ja rahe ho....



garmī-e-guftār āzā-e-majālis al-amāñ

ye bhī ek sarmāyah-dāroñ kī hai jañg-e-zargarī..


Tashreeh-

Jis tariqe se sonnet, qaumi, Assembly, subaahi Assembly aur zili hukumaton ki Assembly me hisbe ikhtelaaf, hisbe iqtedaar ki bahes wa tahiyyus hoti hai, 

Iska asal maqsad yeh hota hai ki jagirdar aur Sarmayah-daar hukumaton mein aakar kaise Ek dusre se aage badh kar, kaise Sona-chandi lutne Ki daud mein shamil rahe Aur avaam ko apni zaheri ladai jhagdon mein fasakar bevkuf banaye rakhen aur yeh log naam badal badal kar aur pariyaan badal badal kar Apne hi mafadaat ko haasil karne mein lage rahte hain...



is sarāb-e-rañg-o-bū ko gulistāñ samjhā hai tū

aah ai nādāñ qafas ko āshiyāñ samjhā hai tū..


Tashreeh-

Yeh ek aisaa seraab hai ki jisme bazahir har khubsurat rang birange phool-fal khushbu aur taazgi mahsoos ho rahi hai, lekin haqiqat mein yeh siwaye dhoke ke kuch bhi Nahin hai, tum samajh rahe ho ki is maghribi bhagh-e-jamhooriyat se roti kapda Aur makan milega tumhari nazron ko aaram aur asoodgi milegi, afsos! aisa To kuchh bhi Nahin hai,
                              tumhare ghurbat to azaab mein hi guzregi, jismein tum khushhali ke khwaab hi dekh sakoge, lihaza is serab Aur dhokhe ke bare mein pahchan lo taki mustaqbil ke bare mein socha sako....


Labels:

Comments

Post a Comment

Popular posts from this blog

Ghalib ke sher aur Tashreeh

Urdu Nazm Ghalib ke sher aur Tashreeh (Dil hi to hai...) Dil hi  to hai na sang wa khasht dard se bhar na aaye kyon Royenge ham hazaar bar koi hamen rulaye kyon.. Translate- Shayar apne dil se shikast hote hue kehta hai ki, insaan ke paas dil hota hai, aur dil ehsaas ke liye hota hai, aur ranj  ho ya Khushi har baat ka ehsas Dil per hi hota hai, ranj me insaan rota hai, Aashiq kahta hai ki hamare Rone par tu  kyon humko samjhata hai, ye dil hi to hai koi eent aur paththar to nhin hai jispar kisi qism ka asar hi na ho..              Hm to hazaar bar royenge koi hme rulata hi kyon hai jab bad me naseehaten krni hai... Der nhin, haram nhin, dar nhin, Aasta'n nhin Baithe hain rah-guzar pe hm koi hamen uthaye kyon... Translate-  Hm sufi (saints) hain, aur sufi ko mandir ya masjid se koi sarokaar ya mtlb nhin hotaa, hm na kisi ki tareef krte hain.. na kisi ki tauheen, na ham kisi ke raaste me aate hain.. hm to shaah-e-Raah par baithe hue ...
3 comments
Read more

Khizr-e-raah (sarmayah o mehnat) Tashreeh part-1

  Khizr-e-raah (sarmayah o mehnat) Tashreeh- part*1*- banda-e-mazdūr ko jā kar merā paiġhām de ḳhizr kā paiġhām kyā hai ye payām-e-kāaynāt.. Translate- Hazrat khizr A.S. farmate hain ki Aye Iqbaal tum jaakar ghulam majduron ko Mera yeh Paigham de do ki ghulami Kai daur guzar chuka hai, wazeh rahe ki bandah-e-mazdur se Muraad woh aam tabqah hai, jo apni jismani aur zahni salahiyat se mehnat aur mulazmat karta hai,          jiske paas sirf waqt ki daulat hai agar uska waqt bika to use kuchh milega Varna wah Faqah-Kashi par majbur Hoga aur Sarmayah-daar ki category mein hukmaran aur jaagirdar tabqah bhi shamil hain, Isi pas-manzar ke sath suniye.... aye ki tujh ko khā gayā sarmāya-dār-e-hīla-gar shāḳh-e-āhū par rahī sadiyoñ talak terī barāt.. Translate- Halat to yeh hai ke saazish karne wala Sarmayah-daar tumhara haq maar raha hai, aur hukumat bhi Isi ke paas hai aur woh tumhare huquq ke liye qanoon-saazi kar raha hai, aur woh tumhare huqooq ka sarkari farmaan...
Post a Comment
Read more

Bang-e-Dara Himalaya-1 (Tashreeh)

  Bang-e-Dara, Himalaya-1 Allamah Iqbaal ki Nazm ki Tashreeh- Description-  Allamah Iqbaal sahab ne is nazm me Himalay ki bulandi wa khoobsurati ka zikr kiya hai, uski Hindustan me ahmiyat wa khususiyat ko bade dil-nasheen andaz me bayaan kiya hai... (Band-¹) Aye himala e fasile kishware Hindustan  Chumta hai teri peshani ko jhuk kar Aasman... Tashreeh- Hazrat Iqbaal ki ye nazm watan parasti aur qudrat ke husn ki taarif se bhari hui hai,        Allamah Iqbaal koh himalay se mukhatib hokar farmate hain ki teri haisiyat Hindustan ki sar zameen ke liye ek aisi diwaar ki si hai jo apne watan ki muhafiz (hifazat gaar) ho, yahi nhin balki tera wajood is qadar buland bala hai ki mahsoos hota hai ki Aasman khud teri peshaani par bosah de rha hai Tujhme kuch paida nhin derina rozi ke nishaan Tu javaan hai gardish-e-sham o shahar ke darmiyaan... Tashreeh - Agle shear me farmate hain ki ba-zaahir tere wajood me lambi umr ke asraat nazar nhin aate, lekin iske ba-w...
Post a Comment
Read more