Khizr-e-raah, part-5th Tashreeh- (Zindagi) by Allamah Iqbaal-
 |
| (Khizr-e-raah) |
Description-
Pichle band me hamne khizr-e-raah ke teesri hisse zindagi ke pahle band Ka mutala kiya tha, jismein doctor Mohammad Iqbaal ne Hazrat khize A.S. ki zubaani zindagi Ka haqiqi mutala kiya tha..
aage badhne se pahle aaiye is tasavvur ki baton par nazar dalte Hain, Zindagi Ka concept vazeh Kiya gaya tha, ki zindagi se khauf aur ghum ko farigh kar do,
zindagi chand mahino aur Saalon Ka ma'amla nahin hai aur na hi sirf khane peene ghumne aur saans Lene ka naam hai zindagi, duniyawi zindagi ek waqfa hai, jiske bad ek Aur taweel zindagi shuru hogi, Duniyawi zindagi sirf Allaah ki bandagi ke liye hai, jo Baki tamam ghulamiyon se Paak hokar ki jaani chahiye, ki yahaan ke Amaal aakhirat me pesh hone ko hain, lihaza Aamal ka dher laga do...
{Band-2}
ḳhaam hai jab tak tū hai miTTī kā ik ambār tū
puḳhta ho jaae tū hai shamshir-e-be-zinhār tu...
Tashreeh-
Shayar Is band ke ibteda me insaan ko ek kachchi mitti ka ambaar kaha hai, jise pakaakr pukhtah insaan banta hai,
Har shay ibteda me kacchi hoti hai aur usse pakakar kam me laya jata hai, jab tak tum khaam ho, dekhne mein vaise hi nazar aaoge Jaise dusre qaabil log nazar aate Hain, Aur Duniya per Apne jor se chha jaate Hain,
Un logon ne mehnat ko apna Asha'ar banaya hota hai tabhi unhen yeh muqaam milta hai, tumhen unse zyaada mehnat Karke khud Ko ilmi lihaaz se khud Ko mazbut banana Hoga aur tumne agar yeh qamyabi se haasil kar liya to tum baatil ke liye ek be-raham talwar ban jaaoge Aur Duniya par chha jaaoge...
ho sadāqat ke liye jis dil meñ marne kī taḌap
pahle apne paikar-e-ḳhākī meñ jaañ paidā kare...
Tashreeh-
Sadaqat yaani haq aur sachchayi ke liye agar tum mar mitne ko bhi taiyyar ho, to pahle apne is duniyawi jism
Agar tum dil se samjhte ho ki Allaah tala haq hain, Quraan Allaah ka sachcha kalam hai aur Muhammad Sallallahu-Alaih-Wa-Sallam Allaah ke sachche aur mahboob rasool hain aur tum Allah se mohabbat aur Nabi Kareem Sallallahu-Alaih-Wa-Sallam se Ishq karte ho aur sach par mar mitne Ki Lagan aur aarzu tumhare andar paida ho gai hai, To fir ek kam karo Apne mitti ke vajud mein mehnat se, ilm se, Technology se, science se, aur Quran o hadees se Apne andar Jaan paida karo, pahle har sho'aba-e-Zindagi me urooj haasil karo..
phūñk Daale ye zamīn-o-āsmāñ musta.ār
aur ḳhākistar se aap apnā jahāñ paidā kare...
Tashreeh-
Tumne jo ijaadat firang se udhaar le rakhi hain, jinke zariye tum Aasman Aur zameen mein ghumte firte ho aur har waqt unse mar'oob rahte ho, apne dimag mein se mar'oobiyat ko jalakar raakh kar do, Fir uski khaak se apni nit Nayi ijaadaat ka khud aaghaz karo..
Yeh udhaar mangi hui ijaadaat se tumhe koi Ilm o tarakki hasil nhi ho sakti, lihaza apne andar khud ki tarakki aur qaabiliyat ka istefada karo, jisse tumhari aane wali qaumen bhi apni buniyaad pad zindagi guzaar saken...
zindagī kī quvvat-e-pinhāñ ko kar de āshkār
tā ye chiñgārī froġh-e-jāvedāñ paidā kare...
Tashreeh-
Jaise Avyaar ki zindagi me quvvat chupi hai, aise tumhe bhi Allaah ta'ala ne salaahiyaton se navaza hai, wo quvvat aur taqat ataa ki hai,
tumne in taqaton ko abhi tak zaahir nahin kiya, aur agar tum in makhfi harkato wa Amal ki ahmiyat, tawanayi aur aadat ko pahchan loge to tum angaare se woh roshni paida karoge, ki jiski chamak daaimi hogi aur use Koi khatm Na Kar sakega, lihaja apni zindagi mein parv Ki ek aisi chingari jalane ki zarurat hai...
ḳhāk-e-mashriq par chamak jaa.e misāl-e-āftāb
tā-badaḳhshāñ phir vahī la.al-e-girāñ paidā kare...
Tashreeh-
Allamah keh rhe hain ki, woh roshni jo tmhare wajood se niklegi use pure Asia mein faila do,
Ki Jaise subah ke waqt Suraj nikal kar pure Duniya mein fail jata hai aur Puri Duniya Ko Roshan kar deta hai aur tumhari zaat se ijaadaat aur ikhtera'at (invention) ki qimti murti paida hongi jinki qadar *badakhshaan* (Pakistan aur khurasaan ke darmiyaan dariya-e-jehun ke junoob me ek ilaqah jiske la'ale mash'hoor hain) ki La'alon jaisi hogi...
sū-e-gardūñ nāla-e-shab-gīr kā bheje safīr
raat ke tāroñ meñ apne rāz-dāñ paidā kare...
Tashreeh-
Yeh kaam bahut bada hai aise hi To Nahin ho jayega, raaton Ko rozana jaagkar mehnat Karni hogi, is kadar rahte lagani hongi Ki taare tumhare dost ban jaayen, tumhare raaz-dan ban jaaye Aur Raat Ke pichle paher gid-gidaa kar Allah ta'ala se madad bhi talab karna hoga aur aasmanon ki taraf apni duaon ke safeer bhi bhejo, taki Allah ta'ala ki nemat aur himayat bhi shamil-e-haal ho jaaye aur aapki mehnat ko char Chand lag jaaye...
ye ghaḌī mahshar kī hai to arsa-e-mahshar mein hai
pesh kar ġhāfil amal koī agar daftar mein hai..
Tashreeh-
Tum to yeh sochte ho ki qayamat me hisaab hoga, is ghaflat mein mat rahana, mahshar To barpaa ho chuka hai, aur tumhara hisaab kitab to ho raha hai abhi Amal karo aur koi bhi Amal karoge To Apne Amal mein darj karva loge kyunki ki is qayamat ke din to sirf natija nikalna hai apne karna mein Tumne a yahi saranjam dene Hain aur apne hisab mein likhane hain Apne is waqt Ko per flat mein barbad mat karna...
Meanings-
Khaam- kachcha, boda
Shamshir-e-be-zinhār- kaat dene wali talwar
Musta'aar- chand rozah, Aarzi
Khakistar- jali chizon ki raakh
Taa- tak
Mashriq- Ashiyayi mumalik
Su-e-gar dun- Aasman ki taraf
Nala-e-shab geer- Aasman ki taraf
Safeer- paigham
Arsa-e-mahshar- qayamat ka waqt
Ghafil- be-khabar
Daftar- daftar
Comments