Skip to main content

Khizr-e-raah part-4th, jawab-e-khizr (Zindagi) ki Tashreeh

 Khizr-e-raah part-4th, jawab-e-khizr (Zindagi) ki Tashreeh-





Bartar az andesha-e-sūd-o-ziyāñ hai zindagī

hai kabhī jaañ aur kabhī taslīm-e-jāñ hai zindagī..


Tashreeh-


Hazrat khizr A.S. Iqbal se farma rahe Hain Ki, agar Sahi ma'ano mein zindagi ka lutf uthaana chahte Hain.. To sabse pahle is Zindagi mein se wafa Ke talab nikal do aur nafaa wa nuksan Ke khauf ko Dil se door kar do,

      kyunki kahin zindagi naam hai Jaan bachane ka aur kahin zindagi naam hai Jaan qurbaan karne ka aur nafa o nuqsan se bahar aa jaaoge to bade bade faisle aasani se kar loge ki kahan Jaan bachana zyaada zaroori hai aur kahan jaan qurban karne se zindagi Amar ho jayegi...


tū ise paimāna-e-imroz-o-fardā se na naap

jāvedāñ paiham davāñ har-dam javāñ hai zindagī..


Tashreeh-

Ye zindagi bahut lambi hai, Allaah ta'ala ne qaaynat ki takhleeq se bahut pahle sab insaani Roohon ko paida kiya tha, aur Fir unhen sula diya tha, Uske bad Allah taala ne Amr-e-kun se yeh qaaynat banayi aur jab zameen jaandar makhlooq ke rahane Ke qaabil hui to Hazrat Adam Alah-is-salam ka Jism banaya aur unke andar pahli rooh Allah tala ne khud foonki.. Fir unke ummid ka silsila jaari hua aur har insan ki rooh dalne aur nikalne ke liye farishte aate Hain..

 aaj tum is Duniya mein Jism ke sath maujud ho, maut bhi makhluq hai jo aarzi Taur per aaegi aur Fir tumhari dobara jaan le li jayegi, lekin afsos ki tum is Zindagi Ko dinon mahinon aur Saalon mein naapte ho, aisa mat karo, yeh zindagi Marne se marti nahin aur na hi yeh Kabhi budhi Hoti hai, yeh kabhi rukti nahin aur musalsal chalti rahti hai, lihaaza maut Ka khauf dil se nikal do, maut to nind ki bahen hai aur zindagi Ki tasalsal ka hissa hai...



apnī duniyā aap paidā kar agar zindoñ meñ hai

sirr-e-ādam hai zamīr-e-kun-fakāñ hai zindagī..


Tashreeh-

Ek raaz yeh hai ki zamin Allaah ke hukme kun se insaan ke liye bani hai, aur dusra raaz yeh hai Ki Aadam ko Allaah ne tamaam-tar ilm aur ekhteyaraat dekar zameen ka Malik aur khalifaa banakar Duniya mein bheja hai, har insan Aadam ki aulad hai Aur in tamaam khubiyon Ka haamil hai jo Aadam Alah-is-salam ko Mili thi,

        Lihaza apni zindagi Ki tawalat aur zameen par apni milkiyat aur khilafat ki haqiqat ko samajh lo, agar yeh baat samajh mein aa gayi to tumhen apni ek nayi duniyaa paida krni chahiye...


zindagānī kī haqīqat kohkan ke dil se pūchh

jū-e-shīr-o-tesha-o-sañg-e-garāñ hai zindagī..


Tashreeh-

Yahaan Ishq-e-mejazi ki misaal dekar baat ko aur Aasan kar dete hain, 

         Farhad ne sheerin se pyaar kiya, Siri ne farmaish ki Mere liye pahad katkar dudh ki nikal kar lao agar sachcha ashiq Na hota To kya karta sawal jawab Nahin kiye teshah uthaya aur pahad kaatne mein Apni zindagi guzaar Di, kya hua mar Gaya? Nahin.. balki zindagi Amar Kar Gaya...


bandagī meñ ghaT ke rah jaatī hai ik jū-e-kam-āb

aur āzādī meñ bahr-e-be-karāñ hai zindagī..


Tashreeh-

Ghulaami, khaas taur par zahni ghulami agar qubool Kar li zindagi us Nadi ki tarah ho jayegi ki jiska Pani khushk ho jata hai aur jiska Pani khud Khushk ho jaaye woh bhala Kise Pani dega,

    aur agar har Tarah Ki gulami se Azad ho jaaoge to zindagi thath maarte hue samandar ki tarah ho jayegi jiska Koi kinara Nahin hota, uske andar bahut Sare jahaan, khazane aur zindagiyaan chupi hoti hain, jinhen woh har waqt taqseem Karti rahti hai aur usmein Koi Kami Nahin aati...



āshkārā hai ye apnī quvvat-e-tasḳhīr se

garche ik miTTī ke paikar meñ nihāñ hai zindagī..


Tashreeh-

Aur hm jismaani taqat ko hi zindagi Ki quvvat samajh baithe Hain, magar Zindagi Ki taqat mazahir-e-qudrat ko taskheer karna hai, jisse uski asal quvvat Ka izhaar hota hai, jiske zariye zindagi mein tezz raftar ki inteha Karke zameen, samandar, fazaaon, khalaaon aur hawa mein lambe lambe Safar kiye, Technology ne aasmanon Ko chhu liya in baaton ki taraf tawajjo do, Dekho  jinhone Deen Aur Duniyaavi ilm par kam Kiya, woh kahan hain aur tum kahan ho...


qulzum-e-hastī se to ubhrā hai mānind-e-habāb

is ziyāñ-ḳhāne me terā imtihāñ hai zindagī..


Tashreeh-

Yon samjh lo ki tum ek samandar ka hissa ho aur pani ke bulbule ki trah thodi der ke liye tum ubhar kar aaye ho, yeh bulbula fat jaega aur tum Fir pani ka hiasaa ban jaaoge,

       yeh Zara sa waqt aazmaish ka hai, is zeyaan-khane mein nuqsaan har aane Wale ka muqaddar hai, yaa Duniya khasarah yaa upri ghata, yahan imtehaan dene aa gaye ho aur chale jaana hai, Duniya aur aakhirat dono ke Talib ban jao, aa jaao main tumhe bahut achchi achchi bakhsheesh (tips) de skta hun...


Labels:

Comments

Post a Comment

Popular posts from this blog

Ghalib ke sher aur Tashreeh

Urdu Nazm Ghalib ke sher aur Tashreeh (Dil hi to hai...) Dil hi  to hai na sang wa khasht dard se bhar na aaye kyon Royenge ham hazaar bar koi hamen rulaye kyon.. Translate- Shayar apne dil se shikast hote hue kehta hai ki, insaan ke paas dil hota hai, aur dil ehsaas ke liye hota hai, aur ranj  ho ya Khushi har baat ka ehsas Dil per hi hota hai, ranj me insaan rota hai, Aashiq kahta hai ki hamare Rone par tu  kyon humko samjhata hai, ye dil hi to hai koi eent aur paththar to nhin hai jispar kisi qism ka asar hi na ho..              Hm to hazaar bar royenge koi hme rulata hi kyon hai jab bad me naseehaten krni hai... Der nhin, haram nhin, dar nhin, Aasta'n nhin Baithe hain rah-guzar pe hm koi hamen uthaye kyon... Translate-  Hm sufi (saints) hain, aur sufi ko mandir ya masjid se koi sarokaar ya mtlb nhin hotaa, hm na kisi ki tareef krte hain.. na kisi ki tauheen, na ham kisi ke raaste me aate hain.. hm to shaah-e-Raah par baithe hue ...
3 comments
Read more

Khizr-e-raah (sarmayah o mehnat) Tashreeh part-1

  Khizr-e-raah (sarmayah o mehnat) Tashreeh- part*1*- banda-e-mazdūr ko jā kar merā paiġhām de ḳhizr kā paiġhām kyā hai ye payām-e-kāaynāt.. Translate- Hazrat khizr A.S. farmate hain ki Aye Iqbaal tum jaakar ghulam majduron ko Mera yeh Paigham de do ki ghulami Kai daur guzar chuka hai, wazeh rahe ki bandah-e-mazdur se Muraad woh aam tabqah hai, jo apni jismani aur zahni salahiyat se mehnat aur mulazmat karta hai,          jiske paas sirf waqt ki daulat hai agar uska waqt bika to use kuchh milega Varna wah Faqah-Kashi par majbur Hoga aur Sarmayah-daar ki category mein hukmaran aur jaagirdar tabqah bhi shamil hain, Isi pas-manzar ke sath suniye.... aye ki tujh ko khā gayā sarmāya-dār-e-hīla-gar shāḳh-e-āhū par rahī sadiyoñ talak terī barāt.. Translate- Halat to yeh hai ke saazish karne wala Sarmayah-daar tumhara haq maar raha hai, aur hukumat bhi Isi ke paas hai aur woh tumhare huquq ke liye qanoon-saazi kar raha hai, aur woh tumhare huqooq ka sarkari farmaan...
Post a Comment
Read more

Bang-e-Dara Himalaya-1 (Tashreeh)

  Bang-e-Dara, Himalaya-1 Allamah Iqbaal ki Nazm ki Tashreeh- Description-  Allamah Iqbaal sahab ne is nazm me Himalay ki bulandi wa khoobsurati ka zikr kiya hai, uski Hindustan me ahmiyat wa khususiyat ko bade dil-nasheen andaz me bayaan kiya hai... (Band-¹) Aye himala e fasile kishware Hindustan  Chumta hai teri peshani ko jhuk kar Aasman... Tashreeh- Hazrat Iqbaal ki ye nazm watan parasti aur qudrat ke husn ki taarif se bhari hui hai,        Allamah Iqbaal koh himalay se mukhatib hokar farmate hain ki teri haisiyat Hindustan ki sar zameen ke liye ek aisi diwaar ki si hai jo apne watan ki muhafiz (hifazat gaar) ho, yahi nhin balki tera wajood is qadar buland bala hai ki mahsoos hota hai ki Aasman khud teri peshaani par bosah de rha hai Tujhme kuch paida nhin derina rozi ke nishaan Tu javaan hai gardish-e-sham o shahar ke darmiyaan... Tashreeh - Agle shear me farmate hain ki ba-zaahir tere wajood me lambi umr ke asraat nazar nhin aate, lekin iske ba-w...
Post a Comment
Read more