Skip to main content

Khizr-e-raah part-1 Allamah Iqbaal- Tashreeh


 

Khizr-e-raah part-1 Allamah Iqbaal (Tashreeh)-


Description-

Allamah Iqbaal ki taweel tareen nazm me se ek hai, jiska unwaan hai "khizr-e-raah" jo ki khizr A.S. aur shayar ke beech ek mukalmah hai, jise Allamah ne nazm ke zariye se pesh kiya hai.. 

           Khizr A.S. ka tazkirah quran majeed me bhi aaya hai, usme ye hai ki Allaah ne unko ek taweel umr Ataa ki hai aur unka ye kaam hai ki bhatke hue logon ko sahi rastah dikhate hain, shayar ki unse mulaqat hui hai aur uska tazkirah is nazm ke andar hai...


(Band-1)

Sahil-e-dariya pe main ek raat tha mahv-e-nazar

Gosha-e-Dil me chupaye ek jahaan-e-izteraab..


Tashreeh-

Us raat mai dariya ke kinaare baitha hua tha use Raat meri jee ke andar, Mere Dil mein ek (Jahan-e-izteraab) ek jahan ki bechaini aur beqarari wa iztirab ki kaifiyat thi,  bahut uljhan wa socho main gum tha..


Shabh sukut afzaa hawa asuda dariya narm-sair

Thi nazar hairaan ki ye dariya hai yaa tasveer-e-Ab..


Tashreeh-

Jo Raat thi woh bahut khamoshi ko badhane wali thi, hawa bhi aahistati ke sath ravan davan thi, hawa bahut narmi ke sath bah rahi thi aur dariya bhi bahut aahistagi ke sath bah raha tha,

     Meri nazar hairaan thi ki ye main dariya ko dekh raha hun ya dariya ki tasvir ko main dekh raha hun, is khushgawar mahaul ko meri nigahen hairani se tak rahi thi ki yah dariya hai ya tasveer hai dariyaa ki..

         Allamah ki khususiyat hai ki woh manzar-Kashi ko is Tarah bayaan karte Hain Ki padhne wale ki takhayyul aise parvaz karti hai, ki aisa mahsus hota hai ki yeh nazara bilkul nazar Ke samne maujud ho...


Jaise gahvaare me so jata hai tifl-e-shir khwar

Mauj-e-muztar thin kahin gahraiyon me mast-e-khwab...


Tashreeh-

Jaise ek baccha apni sharartan shor o Gul karte hue sare Ghar walon ko Apne taraf mutavajja karte hain, apni shararton se sabhi ka zehen Apni taraf khinch leta hai vahi baccha jab apne (gahware) paalne mein, apne jhoole me, to pure Ghar mein ek khamoshi aur ek sukoon ka mahol chha jata hai,

   to is misaal ke zariye Allamah Iqbal farmate Hain Ki Isi Tarah shor karne wali maujen bhi kisi gehraiyon ke andar jakar so gai thin Aur khamoshi ka mahaul barpa tha, har taraf khamosh faili thi...


Raat ke afsun se taa'ir-e-aashiyano me asir

Anjum-e-kam zau giraftar-e-tilisme mahtab...


Tashreeh-

Raat Ka yeh Jo jadu tha Raat Ki Jo Ye khamoshi thi yeh itni jadu karne wali thi, jo (taa'ir) parinde the woh Apne aashiyan mein so rahe the, apna basar kar rahe the, khwab mein khoye hue the, "Anjum-e-kam-zau" kam roshni wale sitare bhi Chand Ki roshni Ke suroor mein khoye jate the...



Dekhta kyaa hun ki woh paik-e-jahan paima khizr

Jiski pairi me hain ma'anind sahar range shabab...


Translate-

Is Tarah Maine Dekha ki jo sari Duniya Ka ghumne wala hai logon ko paigam pahchane wala bhi hai, aur logon ko raste batane wala bhi hai woh Mere samne rubaru hai aur jiski Ki (pairi) budhape ke andar bhi subah ke sahar ki Tarah javani aur shabab ka rang maujud hai, yani budhape mein bhi javani Ki si shabab Ki kaifiyat hai...




Keh raha hai mujhse aye juya-e-israar-e-Azal

Chashme dil wa ho to hai taqdir-e-Aalam be-hijab...


Translate-

Kuch der ki khamoshi ke bad Hazrat khizr A.S. mujhse yon kehne lage, "Aye juya-e-israar-e-Azal" aye shuru se hi raazon ko khojne wale, raazon ko dhundne wale, razon ko tatolne wale, agar Dil Ki aankh khul jaaye, to Jo taqdeer-e-Aalam hai, yani is pure jahaan ki jo taqdeer hai, yahan jo kuch guzarne wala hai, jo kuch hone wala hai, woh be-hejab hokar aapke samne aa jayegi, aur tum usko samajh sako ge...


Dil me ye sunkar bapa hangama-e-mahshar huwa

Main shahid-e-justuju tha yun sukhan gustar huwa...


Tashreeh-

Allama Iqbal Sahab kah rahe Hain Ki Hazrat khizr A.S. ki jab yah baat Maine suni agar Dil Ki aankh khuli ho To Duniya Ki takdeer aapko nazar aaegi, yeh sunkar Mere Dil mein ek hungama barpa ho gaya, main to pahle hi haqeeqat Ki talash mein tha, Maine unse Kaha-


-Aye tere chashm-e-jahaan bin par woh tufaan Aashkar,

Jinke hungame abhi dariya mein sote Hain khamosh...


Translate-

Maine unse kaha- jin lahron se aur jo sahraab abhi dariyaa ki tah me khade hain, tumhe woh bhi nazar aayega, yaani maine hairaani se unke illm ki tah tk pahunchna chahaa...


Labels:

Comments

Post a Comment

Popular posts from this blog

Ghalib ke sher aur Tashreeh

Urdu Nazm Ghalib ke sher aur Tashreeh (Dil hi to hai...) Dil hi  to hai na sang wa khasht dard se bhar na aaye kyon Royenge ham hazaar bar koi hamen rulaye kyon.. Translate- Shayar apne dil se shikast hote hue kehta hai ki, insaan ke paas dil hota hai, aur dil ehsaas ke liye hota hai, aur ranj  ho ya Khushi har baat ka ehsas Dil per hi hota hai, ranj me insaan rota hai, Aashiq kahta hai ki hamare Rone par tu  kyon humko samjhata hai, ye dil hi to hai koi eent aur paththar to nhin hai jispar kisi qism ka asar hi na ho..              Hm to hazaar bar royenge koi hme rulata hi kyon hai jab bad me naseehaten krni hai... Der nhin, haram nhin, dar nhin, Aasta'n nhin Baithe hain rah-guzar pe hm koi hamen uthaye kyon... Translate-  Hm sufi (saints) hain, aur sufi ko mandir ya masjid se koi sarokaar ya mtlb nhin hotaa, hm na kisi ki tareef krte hain.. na kisi ki tauheen, na ham kisi ke raaste me aate hain.. hm to shaah-e-Raah par baithe hue ...
3 comments
Read more

Khizr-e-raah (sarmayah o mehnat) Tashreeh part-1

  Khizr-e-raah (sarmayah o mehnat) Tashreeh- part*1*- banda-e-mazdūr ko jā kar merā paiġhām de ḳhizr kā paiġhām kyā hai ye payām-e-kāaynāt.. Translate- Hazrat khizr A.S. farmate hain ki Aye Iqbaal tum jaakar ghulam majduron ko Mera yeh Paigham de do ki ghulami Kai daur guzar chuka hai, wazeh rahe ki bandah-e-mazdur se Muraad woh aam tabqah hai, jo apni jismani aur zahni salahiyat se mehnat aur mulazmat karta hai,          jiske paas sirf waqt ki daulat hai agar uska waqt bika to use kuchh milega Varna wah Faqah-Kashi par majbur Hoga aur Sarmayah-daar ki category mein hukmaran aur jaagirdar tabqah bhi shamil hain, Isi pas-manzar ke sath suniye.... aye ki tujh ko khā gayā sarmāya-dār-e-hīla-gar shāḳh-e-āhū par rahī sadiyoñ talak terī barāt.. Translate- Halat to yeh hai ke saazish karne wala Sarmayah-daar tumhara haq maar raha hai, aur hukumat bhi Isi ke paas hai aur woh tumhare huquq ke liye qanoon-saazi kar raha hai, aur woh tumhare huqooq ka sarkari farmaan...
Post a Comment
Read more

Bang-e-Dara Himalaya-1 (Tashreeh)

  Bang-e-Dara, Himalaya-1 Allamah Iqbaal ki Nazm ki Tashreeh- Description-  Allamah Iqbaal sahab ne is nazm me Himalay ki bulandi wa khoobsurati ka zikr kiya hai, uski Hindustan me ahmiyat wa khususiyat ko bade dil-nasheen andaz me bayaan kiya hai... (Band-¹) Aye himala e fasile kishware Hindustan  Chumta hai teri peshani ko jhuk kar Aasman... Tashreeh- Hazrat Iqbaal ki ye nazm watan parasti aur qudrat ke husn ki taarif se bhari hui hai,        Allamah Iqbaal koh himalay se mukhatib hokar farmate hain ki teri haisiyat Hindustan ki sar zameen ke liye ek aisi diwaar ki si hai jo apne watan ki muhafiz (hifazat gaar) ho, yahi nhin balki tera wajood is qadar buland bala hai ki mahsoos hota hai ki Aasman khud teri peshaani par bosah de rha hai Tujhme kuch paida nhin derina rozi ke nishaan Tu javaan hai gardish-e-sham o shahar ke darmiyaan... Tashreeh - Agle shear me farmate hain ki ba-zaahir tere wajood me lambi umr ke asraat nazar nhin aate, lekin iske ba-w...
Post a Comment
Read more