Allamah Iqbaal (Baale jibreel)
Description-
"Is ghazal me ham padhenge ki Allamah ne musalmanon ko kis tarah bar-bar tan-Aasani aur kam-kosh ki taraf se be-daar krne ki anthak koshish kiya hai, aur aakhir me unhone hame haq-goyi, sadq o sachchayi, Khuda ke eimaan ko musalmanon ki shaan bataya hai...."
Tashreeh-
Maojuda Ash'aar me Allamah ne 4 azeem hastiyon ka zikr kiya-
Attar -(khwaja Fareed-Ud-deen Attar) Rumi- ( Maulana Jalaal-Ud-deen Rumi) Razi- (Fakhr-Ud-deen Razi) Ghazali-(Imaam Ghazali)
Ye Mash'hoor o Azeem hasti jinhen Falsafah, Mantak, hikmat, tafseer-e-quraan aur shayri par khususi maharat haasil thi, itne Arse ke ba-wajood inke naam zingah hain aur yaad kiye jaate hain, to iska sabab Aah-e-sahar gaahi (subah uthkar Allaah se rona mangna, ibadat karna) hai,
Ye un shakhsiyaat ka Tarz-e-Amal raha, jo unke naam ko aaj bhi zindah o Jawed rakhe hue hai, ek taraf sahar gaahi se unhe khuda ka qurb (Nazdeeki) naseeb hui, dusri taraf mehnat ko apna Sha'war (consciousness) bnaye rkha,
Iqbaal Rahmat-Ullaah sahab ko musalmanon ki maujoodah Tarz-e-Amal par afsos hota hai, aur wo chaahte hain ki Musalmanon me wo Aadab paida ho jayen, jinse musalman ghaflat ke andheron se nikal sake, unhone Musalmano ko ghaflat se bedaar krne ke liye likha hai......
Baqaul-e-Iqbaal-
*Kis qadar tum pe giraa'n subh ki bedaari hai,
Hmse kab pyaar hai? Haan nind tumhe pyaari hai...
naumīd na ho in se aye rahbar-e-farzāna
kam-kosh to haiñ lekin be-zauq nahīñ raahī..
Tashreeh-
Iqbaal is shear me musalman rahnumaao se mukhatib hote hue ummid ka paigham de rhe hain..
Musalmanon ke halaat me taghaiyur ka Aasar dekhte hue kehte hain, aye Aqalmand rahnumaa'n ye raahi (musalman) kam kosh yani tan-Aasani, kahili aur susti ke shikaar hain, lekin iska ye mtlb nhin ki inke andar josh jazbah ya himmat maujood nhin, darasal musalman inteshaar (dispersion) ka shikaar the, unke saamne zindagi guzarne ka koi qabil-e-istefadah Amal maujood na tha,
Siyaasi mua'asharti lihaz se bhi zawaal ka shikar the, isliye kam-kosh ho gaye, lekin Iqbaal unki khwabidah salahiyaton ko jagaane ke liye koshishon me lage hain...
Baqaul-e-Iqbaal-
*Nhin hai Na-ummid' Iqbaal apne apne kisht-e-vira'an se,
Zara nam ho to ye mitti badi zarkhez hai saaqi...
Aye tair-e-lāhootī us rizq se maut achchhī
jis rizq se aatī ho parvāz meñ kotāhī..
Tashreeh-
Is shear me Iqbaal ne lafz tair-e-lahooti ka ismtemaal kiya, mtlb ruhani taraqqi ki aakhri manzil hoot hai, yani wo muqaam jahan zaat-e-baari ta'ala ke siwa koi nhin hota, Allamah ne tair-e-lahooti ka lafzz musalmanon ke liye ista'ara kiya hai,
Kehte Hain Ki musalman tair-e-lahooti ke maqaam tak parwaz karne ki salahiyat rakhta hai, lihaza wo koi aisa zariya rizq ke husool ka nhin apnata jo jo uske eimaan me kamzori laaye, aur Iqbaal aise Rizq se behtar maut ko qaraar dete hain, jisse musalmanon ka eimaan kamzor hone lag jaye, kyonki musalman ki zindagi ka har lamhaa khudaa ki khushnudi aur qurb chahta hai..
Allamah ne musalmanon ko be-daar krne aur unme josh o jazbah paida karne ke liye kai Ash'aar me iska zikr kiya-
Baqaul-e-Iqbaal-
*Himmat hai to paida kar firdaus-e-Bareen apna,
Maangi hui jannat se dozakh ka Azaab achcha...
Darā o sikandar se wo mard-e-faqīr aulā
ho jis kī faqīrī meñ bū-e-asadul-lāhaī..
Tashreeh-
Daara aur sikandar bila-shubah do taqatwar Baadshaah the, jinhone duniya mein badi Shaan o shauqat se hukumat Ki, aur bade bade wasee'a ilaaqon par qabzah Kiya, lekin unki Shaan o shauqat ka inhisaar (Dependence) mahez ma'adiyat-parasti (Materialism) par tha, yaani duniyaawi qamyabi ke base par,
Unka zikr badshahat aur sultanat ki wus'at (limit) ke hawale se Kiya jata hai, magar unke kirdar o Azmat ka zikr kahin nhin milta..
Iqbaal in Baadshaaho ke muqaable me kuch faqir aur mard-e-darvesh ko behtar aur Aa'la smjhte hain, jiske andar Hazrat Ali R.A. jaise shakhs jinme bahaduri jurrat-mandi, qana'at pasandi jaisi sifaat maujood ho, isi baat ko unhone apne kai Ash'aar me bayaan kiya hai, jisme se ek hai-
*Man ki daulat haath aati hai to fir jaati nhin,
Tan ki daulat chaa'on hai, aata hai dhan jata hai dhan...
haq-goī o be-bākī
allāh ke sheroñ ko aatī nahīñ rūbāhī..
Tashreeh-
Ye shear mard-e-momin ke hawaale se Iqbaal ke fikr o gardish ki numaindgi karta hai, himmat, jurrat, haq-goyi, be-khaufi, sadq o sachchayi ko mard-e-momin ki shaan qaraar dete hain,
Kehte hain ki khudaa ka banda kbhi bhi rubahi (makkari o chalaki) se kaam nhin leta, wo kabhi lomdi ke trah chalaaki nhin karta, kyonki uske dil me ghair-Ullaah ka khauf nhin hota, aur yahi uski be-khaufi ki Alaamat hai, jo insaan khuda ke siwa kisi se bhi khauf-zadah nhin hota, wahi Allaah ke nazdeek asal momin hota hai, wo hi be-khauf sher hota hai, jo ki aise kisi lomdi se nhi dartaa...
*Hazaar khauf ho, lekin zuba'an ho dil ki rafeeq,
Yahi raha hai azal se qalandaron ka tareeq...
Yahaan ye bat qabil-e-zikr hai ki.. Hazrat Ali R.A.A. ka laqab bhi sher-e-khudaa tha, jo ki jurrat-mand, haq-parast aur be-khauf the,
ghair-Ullaah ke khauf se paak bande hi jurrat mand wa haq-parasti ka muzaahra kar skte hain... Aur sirf khudaa se khauf-zadah rahne waalon ko, uspar eimaan laane walon ko kbhi bhi makkari, farebi aur jhooth ka sahara sahara nhin lena padta hai, chaahe unki jaan ka zeya kyon na ho...
Meaning-
aadab-e-khud aagahi- khud illm ka tariqa
Asraar-e-shahenshahi- badshaah hone ka raaz
Be-Aah-e-saher gaahi- bagair fariyaad ke subah ka aaghaz
Na-ummid- niraash
Rahbar-e-farzana- zaheen, Aaqil
Kam-kosh- kam-koshish
Be-zauq- baghair khwahish
Tair-e-lahooti- (jibreil) heavenly bird
Mard-e-faqir- sanyaasi Aadmi
Buye-Asad Ilaahi- Hazrat Ali
Aaīn-e-javāñ-mardān- javani ka manshur (certificate)
Be-baaki- shokhi
Rubaahi- chalaaki, makkari
Comments